02-05-2014 “Bharathiyar’s Chandirikaiyin Kathai” from Avvai Tamil Sangam

02-05-2014 "Bharathiyar's Chandirikaiyin Kathai" from Avvai Tamil Sangam Is this email not displaying correctly? View it in your browser
​		அவ்வை தமிழ்ச் சங்கம், சித்திரை-௨௦  (20) வெள்ளி , திருவள்ளுவராண்டு 2044, Web: http://www.avvaitamilsangam.org Email: avvaitamilsangam@gmail.com, Blogs: Naaloru Naaladi ,  Dinam oru Kural Be a member of ATS |  Friend on Facebook  |     Forward to a Friend
மகாகவி சி. சுப்ரமணிய பாரதியாரின் சந்திரிகையின் கதை –  அத்தியாயம் 25
கோபாலய்யங்காருக்கு விவாகம் ''அவளுடைய தந்தையின் பெயரென்ன? அவர் இப்போது வீட்டிலிருப்பாரா?'' என்று கோபாலய்யங்கார் கேட்டார்.   ''அவளுடைய தந்தையின் பெயர் சுப்புசாமிக் கோனார். அவர் இப்போது வீட்டிலிருப்பார்'' என்று நாயுடு சொன்னார். உடனே கோபாலய்யங்காரின் வேண்டுகோளுக்கிணங்கி அவருடன் நாயுடு, பந்துலு இருவரும் சேர்ந்து மூவருமாகப் பக்கத்துத் தெருவிலிருந்த சுப்புசாமிக் கோனாருடைய வீட்டுக்குப் போனார்கள். அங்கு சுப்புசாமிக் கோனார் காலையிலெழுந்து பழையது சாப்பிட்டுவிட்டு, வெற்றிலை பாக்கு புகையிலை போட்டுக் கொண்டிருந்தார். நாயுடுவையும் அவருடைய நண்பரிருவரையும் கண்டவுடன் அவர் எழுந்து நின்று, உள்ளேயிருந்து ஒரு நீளப்பலகை கொண்டு போட்டார். வந்தவர் மூவரும் அதன்மீது உட்கார்ந்து கொண்டார்கள். பிறகு, நாயுடு தாங்கள் வந்த நோக்கத்தை சாங்கோபாங்கமாகக் கோனாரிடம் எடுத்துரைத்தார். செக்கச்செவேலென்ற முகமும் கன்னங்கரேலென்ற சுருள் சுருளான கத்தரித்த முடிமயிரும், அகன்ற தெளிந்த அறிவுசுடர்கின்ற விழிகளும், துருக்கமீசையும், விரித்த மார்பும் திரண்ட தோளும், வயிரப் பொத்தான் போட்ட பட்டுச் சட்டையும், தங்க கடிகாரமுமாகத் தமக்கு டிப்டி கலெக்டர் கோபாலய்யங்கார் மாப்பிள்ளையாக வருவதைக் கண்டு சுப்புசாமிக் கோனார் பரவசமாய் விட்டார். அவருள்ளத்தில் ஆனந்தக்களி ததும்பலாயிற்று. ஆயினும் பிராமணருக்கு பெண் கொடுத்தால் பாவம் நேருமென்ற ஒரு விஷயம் மாத்திரம் அவர்மனதை மிகச் சஞ்சலப்படுத்திற்று. ''நான் என்ன செய்வேன். சாமி? வயதானவன். எனக்கு இனிமேல் இவ்வுலகத்தாசை ஒன்றுமேயில்லை. எனக்கினிப் பரலோக்ததைப் பற்றிய ஆசைகளே மிஞ்சியிருக்கின்றன. அதனால் சிறீமந் நாராயணனையும் ஆழ்வார்களையும் எம்பெருமானாரையும் சிறீ வைஷ்ணவர்களையும் சரணாகதியடைந்திருக்கிறேன். எப்போதும் இவர்களையே ஸ்மரித்துக் கொண்டும் இவர்களுக்கு என்னாலியன்ற கைங்கர்யங்கள் செய்து கொண்டும் என் வாழ்நாளைச் செலவிடுகிறேன். நான் சாஸ்திரங்களில் நம்பிக்கையுடையவன். பிராமணருக்கு நான் சூத்திரப் பெண்ணைக் கலியாணம் செய்து கொடுப்பதனால் எனக்குப் பாவம் நேரும். ஆதலால், நான் இந்த விஷயத்துக்கு சம்மதப்பட வழியில்லை'' என்று சுப்புசாமிக் கோனார் சொன்னார்.   இதைக் கேட்டு கோபாலய்யங்கார்-''கோனாரே, முதலாவது, நான் பிராமணனில்லை. நான் பிராமண தர்மத்துக்குரிய ஆசாரங்களைத் துறந்து சூத்திரனாகிவிட்டேன். ஆதலால் தாங்கள் என்னைத் தங்கள் ஜாதியானாகவே பாவித்து, எனக்குத் தங்கள் மகளை மணம் புரிவிக்க வேண்டுகிறேன். மேலும் நிஷமான பிராமணனே பிராமண குலத்தில் மாத்திரமின்றி மற்ற நான்கு வர்ணங்களிலும் பெண்ணெடுக்கலாமென்று சாஸ்திரம் சொல்லுகிறது. இந்த விஷயத்தில் உங்களுக்கு சந்தேகமிருந்தால், என்னிடம் தமிழில் மனு ஸ்ம்ருதி இருக்கிறது; உங்களிடம் அந்த நூலைக் காட்டுகிறேன். அதை நீங்களே வாசித்துப் பாருங்கள். உங்களுக்குத் தமிழ் வாசிக்கத் தெரியுமோ, தெரியாதோ? தெரியுமா? அப்படியானால் நீங்கள் நான் சொல்வது மெய்யென்பதைக் கண்கூடாகப் பார்த்தறிந்து கொள்ளலாம். இதில் எவ்விதமான பாவத்துக்கும் இடமில்லை'' என்றார். ''அங்ஙனம் சாஸ்திரமிருப்பது மெய்தான்'' என்று வேங்கடாசல நாயுடு சொன்னார்.   ''ஆமாம்; அதுவே மனு ஸ்ம்ருதியின் கொள்கை'' என்று வீரேசலிங்கம் பந்துலு கூறினார்.   ''எனினும், உலக ஆசாரத்தில் அவ்விதம் வழங்குவதைக் காணோமே?'' என்று சுப்புசாமிக் கோனார் ஆட்சேபித்தார்.   ''நமது தேசத்தில் பூர்வ சாஸ்திரங்களுக்கும் நடைகளுக்கும் விரோதமான ஆசாரங்கள் பல பிற்காலத்தில் வழக்கமாய்விட்டன. அவற்றுள் இந்த விஷயமும் ஒன்றாம். இவ்ஷியத்தில் நமக்குத் தற்கால ஆசாரம் அதிகப் பிரமாணமன்று. முற்காலத்து சாஸ்திரமே அதிகப் பிரமாணம்'' என்று கோபாலய்யங்கார் சொன்னார். நாளை தொடரும்....
உங்களுக்குத் தெரியுமா?
மே தினம் எனப்படும் உலகத் தொழிலாளர் தினம் ஆண்டுதோறும் மே முதலாம் திகதி (மே 1) உலகளாவிய ரீதியில் கொண்டாடப்படுவதாகும். 1889 ஜூலை 14 அன்று பாரீசில் சோசலிசத் தொழிலாளர்களின் ''சர்வதேச தொழிலாளர் பாராளுமன்றம்'' கூடியது. 18 நாடுகளில் இருந்து 400 பிரதிநிதிகள் இக்கூட்டத்தில் பங்கேற்றனர். பிரெட்ரிக் ஏங்கெல்ஸ் உட்படப் பலர் கலந்துகொண்ட இக்கூட்டத்தில் கார்ல் மார்க்ஸ் வலியுறுத்திய 8 மணி நேர போராட்டத்தை முன்னெடுத்துச் செல்வது என்றும், சிக்காகோ சதியை இம்மாநாடு கடுமையாக கண்டித்ததோடு, 1890 மே 1 அன்று அனைத்துலக அளவில் தொழிலாளர்கள் இயக்கங்களை நடத்திட வேண்டும் என்றும் அறைகூவல் விடப்பட்டது.   இந்த அறைகூவலே மே முதல் நாளை, சர்வதேச தொழிலாளர் தினமாக, மே தினமாக அனுஷ்டிப்பதற்கு வழிவகுத்தது.மேலும் படிக்க
தினசரிகளில் முக்கியச் செய்திகள்
சென்னை சென்ட்ரல் ரயில் நிலையத்தில் குண்டுவெடிப்பு: பெண் என்ஜினீயர் பலி; 14 பேர் காயம்-   தினமணி மதுவிலக்கை துணிச்சலாக நடைமுறைப்படுத்த வேண்டும்: ராமதாஸ் -  தி இந்து நோக்கியா தலைவராக ராஜீவ் சூரி நியமனம் -  தி இந்து  பிரிட்டிஷ் பிரதமருக்கு மாம்பழம் வழங்கி நூதன போராட்டம்: ஐரோப்பிய யூனியன் தடைக்கு எதிர்ப்பு -  தி இந்து டெஸ்ட் கிரிக்கெட் தர வரிசையில் நம்பர் ஒன் இடத்தை பிடித்தது ... -  தினத் தந்தி
வீடு வாடகைக்கு
1BHK flat available for rent/lease in Pratap Vihar,near Santhosh Medical College, Ghaziabad, just 4 kms from sector 63, Noida. Nominal rate, only for south indians. Contact Dr Ram Shanmugam, Safdarjang Hospital. Mobile: 9716934196,9868436946 in fb as Ram Shanmugam. 5 Bedroom floor available on Rent at Sector 92, Noida. 5 Bedroom with Bathroom, Hall, Kitchen portion available in the 2nd floor with independent entry and good enough privacy. House owner in the G/Floor and F/Floor is occupied by doctor couples. Secured with Surveillance camera and provision for 24 Hours SOFT water, it is ideal for a group of employed professionals of either gender. For details Contact: R. Manikandan Mobile: +91 9899165543
மணமகன் / மணமகள் தேவை
Sh. Srinivasan (alias Arun), B.S.Marine Engineering from BITS, Pilani employed in Merchant Navy as an Engineer, DOB 15.3.1986, Star Barani, Gothram Haritham Iyer , Father Sh. N.S.Ganapathy Subramanian based in Hari Nagar, New Delhi. Contact No 98993 29688 / 2812 4512 Mail ID: gsubramanian1953@gmail.com Ms. Gayathri, B.Tech (Computer Science) working with Intra Info Technology –Noida,Height 5'5",DOB 29.4.89 Star Avittam 2nd Padam,Gothram Bharadwajam,Rasi Makara,Sect Iyer Vadama,Parents Smt. Bhuvaneshwari & Sh. Mahadevan.B.,Sibling/s 1 brother younger. Doing Btech (Mech ) from Amrita, Bangalore. Contact: Sh. Bhuvaneshwari Mahadevan,  Mobile: 99119-21989, Mail ID: bhuvana.gayu_1989@hotmail.com.  Resident of Delhi.
நம்மை சுற்றி
Date & Time	Venue		Program Details	Organized by	Contact Nos
03/05/2014 06.00 PM onwards	India International Centre C.D. Deshmukh Auditorium, 40 Max Muelier Marg,  New Delhi		Mridangam Arangetram of Master Manik Charan Disciple of Karaikudi Shri Padmanabhan Srinivasan.
04/05/2014 06.00 PM onwards	Yuva  Shakti Model School, Sector-3, Rohini, Delhi-110085		Rasikapriya Annual Day Celebrations -2014	Rasikapriya	9818192497 9810429874
04/05/2014	Kanchi Kamakoti Bhavanam – Delhi in Sri Devi Kamkashi Mandir, Opp. J.N.U. East Gate, A-11, Aruna Asaf Ali Marg, New Delhi 110 067.		40th year  Samashti Upanayanam	Sri Kanchi Kamakoti Peetam
Disclaimer: The information published in "Nammaich Chutri" are based on the requests send by various sources to us for publishing in this newsletter. Avvai Tamil Sangam doesn't perform any validity check before publishing.,This e-mail was sent by Avvai Tamil Sangam and Charitable Society®, 901, Sector-37, Noida, UP, India, To ensure that you continue receiving our emails, please add us to your address book or safe list. View this Newsletter on the web here. To unsubscribe, send an email to avvaitamilsangam@gmail.com